Nefnd um endurskoðun laga um umboðsmann Alþingis

01. des. 2011

Vinnuhópur, sem forsætisnefnd Alþingis skipaði á árinu 2007 til þess að fjalla um eftirlit Alþingis með framkvæmdarvaldinu, lagði m.a. til í skýrslu sinni 2009 að lögum um umboðsmann Alþingis yrði breytt í þeim tilgangi að styrkja frekar eftirlit þingsins með framkvæmdarvaldinu.


Af þessu tilefni ákvað forsætisnefnd Alþingis 8. nóvember sl. að skipa þriggja manna nefnd til þess að fara yfir og endurskoða lög nr. 85/1997, um umboðsmann Alþingis.

Nefndina, sem hafið hefur störf, skipa Ragnheiður Ríkharðsdóttir, alþingismaður og 1. varaforseti Alþingis, sem jafnframt er formaður nefndarinnar, Tryggvi Gunnarsson, umboðsmaður Alþingis, og Ragna Árnadóttir, fyrrverandi ráðherra og formaður Almannaheilla, samtaka sem vinna að sameiginlegum hagsmunamálum frjálsra félagasamtaka sem starfa í almannaþágu. Ritari nefndarinnar er Þórhallur Vilhjálmsson, aðallögfræðingur Alþingis.

Þeir sem óska eftir því að koma á framfæri athugasemdum eða ábendingum til nefndarinnar geta komið þeim til ritara hennar á tölvupóstfangið: thorhallurv@althingi.is eða á póstfangið:

Alþingi
b.t. Þórhalls Vilhjálmssonar, ritara nefndar
um endurskoðun laga um umboðsmann Alþingis,
Alþingishúsinu við Austurvöll (Skála)
150 Reykjavík.



Til baka


Flýtileiðir


Tungumál



Skipta um leturstærð