Afgreiðsla mála í október 2011

04. nóv. 2011

Hinn 1. nóvember sl. höfðu umboðsmanni Alþingis borist alls 434 kvartanir frá áramótum og hann hafði á sama tíma tekið átta mál til athugunar að eigin frumkvæði.


Umboðsmaður hefur því haft fleiri mál til meðferðar það sem af er ári en allt árið 2010, en það ár bárust 370 kvartanir og sjö mál voru tekin til athugunar að hans eigin frumkvæði.

Á sama tíma árið 2010 höfðu umboðsmanni borist 307 kvartanir og hann hafði tekið upp sjö frumkvæðismál. Málum hefur því fjölgað um 41,4% miðað við sama tíma í fyrra. 

Í október 2011 lauk umboðsmaður athugun sinni á 44 málum. Nýjar kvartanir í mánuðinum voru 42 talsins. Um mánaðamótin október-nóvember voru alls 176 mál til athugunar hjá umboðsmanni. Til samanburðar má geta þess að á sama tíma í fyrra voru 135 mál til athugunar. Þá bárust 24 kvartanir og athugun var lokið á 31 máli í október 2010.



Til baka


Flýtileiðir


Tungumál



Skipta um leturstærð