Afgreiðsla mála í september 2011

05. okt. 2011

Hinn 1. október sl. höfðu umboðsmanni Alþingis borist alls 394 kvartanir frá áramótum og hann hafði á sama tíma tekið sex mál til athugunar að eigin frumkvæði.


Umboðsmaður hefur því haft fleiri mál til meðferðar það sem af er ári en allt árið 2010, en það ár bárust 370 kvartanir og sjö mál voru tekin til athugunar að hans eigin frumkvæði.

Á sama tíma árið 2010 höfðu umboðsmanni borist 283 kvartanir og hann hafði tekið upp sjö frumkvæðismál. Málum hefur því fjölgað um 39,2% miðað við sama tíma í fyrra. 

Í septembermánuði 2011 lauk umboðsmaður athugun sinni á 52 málum. Þar af var fjórum athugunum lokið með áliti. Nýjar kvartanir í mánuðinum voru 41 talsins. Um mánaðamótin september-október voru alls 178 mál til athugunar hjá umboðsmanni. Til samanburðar má geta þess að á sama tíma í fyrra voru 142 mál til athugunar. Þá bárust 35 kvartanir og athugun var lokið á 32 málum í september 2010.



Til baka


Flýtileiðir


Tungumál



Skipta um leturstærð