Árið 2007 birtust fréttir í fjölmiðlum af ýmsum samningum og viljayfirlýsingum sem þáverandi ráðherrar gerðu við einkaaðila um fjárframlög ríkisins til ákveðinna verkefna án þess að Alþingi hefði veitt heimild til þeirra. Þetta voru samningar um fjárframlög til ákveðinna framkvæmda og þess voru dæmi að því væri lýst að verja ætti söluandvirði tiltekinna eigna til verkefnisins.